AHNE Bryniau Clwyd / Clwydian Range AONB

Navigation

Content

Rheoli’r AHNE

Rheolir Ardal Bryniau Clwyd AHNE drwy gyfrwng cyfres o Bartneriaethau.

Cydbwyllgor Gweithredu Ymgynghorol, sy’n llywodraethu Bryniau Clwyd, gan gynrychioli’r ddau Awdurdod lleol, tirfeddianwyr, ffermwyr, a buddiannau cadwraeth a hamddena.  Mae’n adnodd grymus o ran ehangder a dyfnder ei arbenigedd gwleidyddol a phroffesiynol. Ynghyd â nifer o asiantaethau a grwpiau lleol, mae’n gweithio tuag at gyrraedd amcanion y Cynllun Rheoli AHNE. 

Gorwedda tua 60% o’r AHNE yn Sir Ddinbych, a’r 40% sy’n weddill yn Sir y Fflint. Golyga hyn mai Gwasanaeth Cefn Gwlad Sir Ddinbych sydd â’r arweinyddiaeth wrth ddarparu rhaglen rheoli a gweinyddu i’r Cydbwyllgor Ymgynghorol.

Cyngor Cefn Gwlad Cymru

Mae Cyngor Cefn Gwlad Cymru yn ddolen gyswllt angenrheidiol rhwng yr AHNE a Llywodraeth Cynulliad Cymru. Drwy roi cyngor ar bolisi a darparu ariannu craidd i weithwyr a gwaith project, mae’n chwarae rôl ganolog wrth ddatblygu a chyflwyno’r cynllun rheoli. Bydd staff yr AHNE yn cyfarfod yn rheolaidd gyda’r swyddogion CCGC yn genedlaethol ac yn rhanbarthol i ddatblygu agweddau ar waith yr AHNE.

Partneriaeth Coedwigaeth

Er bod nifer o asiantaethau cenedlaethol yn cael eu cynrychioli ar y Cydbwyllgor, fe feithrinodd Ardal Bryniau Clwyd bartneriaeth arbennig gyda Chomisiwn Coedwigaeth Cymru er mwyn cynorthwyo i ddarparu rhaglen o gynlluniau cymunedol ac i ddatblygu cynllun Addysg drwy gyfrwng y Fenter Addysg y Goedwig (FEI). Canolbwyntiau’r cynlluniau hyn yw’r tri phrif bloc o goedwig ar Foel Famau, Llangwyfan a Nercwys.

Cynllun Adfer y Rugiar Ddu

Ym Mharc Gwledig Moel Famau mae’r Gwasanaeth Cefn Gwlad yn gweithio mewn partneriaeth â’r Comisiwn Coedwigaeth a’r RSPB yn rhan o’r Project Adfer y Rugiar Ddu Cymru.

Cyfeillion Moel Findeg

Fe arweiniodd y dull cynhwysol tuag at ddatblygu rhaglen ymarferol o brojectau at sefydlu nifer o bartneriaethau allweddol gyda grwpiau cymunedol lleol. Yn benodol Gwarchodfa Natur Leol Moel Findeg sy’n cael ei rheoli mewn partneriaeth â Chyfeillion Moel Findeg a Maeshafn a Chymdeithas Wledig yr Ardal nid yn unig drwy gyfrwng grŵp llywio ar gyfer y safle ond hefyd drwy gefnogaeth ymarferol ac ariannol.

Gwirfoddoli

Mae Cymdeithas Cefn Gwlad Sir Ddinbych yn gweithio hefyd gyda grwpiau o wirfoddolwyr sydd wedi hen sefydlu dros y Sir a’r AHNE. Rhoddodd dros 70 o unigolion o’u hamser yn rheolaidd i gymryd rhan yng ngwaith y Gwasanaeth.

Partneriaethau eraill

  • Cadwyn Clwyd
  • Cymdeithas Amgylchedd Prestatyn
  • Grŵp Bywyd Gwyllt Glannau Dyfrdwy
  • Ymddiriedolaeth Bywyd Gwyllt Gogledd Cymru
  • Coed Cymru
  • Grŵp Amgylchedd Dyserth
  • Cymdeithas Gadwraethol Gwaunysgor
  • Coleg Amaethyddol Llysfasi
  • Gwasanaethau Gwirfoddol Sir Ddinbych
  • Cyngor Gwasanaethau Gwirfoddol Sir y Fflint
  • Partneriaeth y Grug a’r Caerau

Footer

Gwnaed gan Splinter